Arrestat raġel li ħarab mill-Pulizija iżda ħalla basket mimli droga warajh

Aktar kmieni din il-ġimgħa, Pulizija li kienu fuq ronda fl-inħawi ta’ Sqaq il-Ġerrejja fil-Marsa nnutaw raġel iġib ruħu b’mod suspettuż.

Malli nduna bil-preżenza tagħhom huwa ħarab iżda warajħ ħalla basket li kien qed iġorr. Fil-basket instabu numru kbir ta’ qratas ta’ droga suspettata eroina, kokaina kif ukoll kannabis.

Ir-raġel li wara rriżulta li huwa mis-Sudan u għandu 25 sena, aktar kmieni llum tressaq il-Qorti fejn wieġeb mhux ħati. Huwa nżamm taħt arrest.