Raġel iweġġa’ gravi wara li tilef il-kontroll tal-mutur u nqaleb fin-Naxxar

Raġel ta’ 41 sena weġġa’ gravi f’inċident tat-traffiku fin-Naxxar.

L-inċident seħħ ilbieraħ għall-ħabta tal-ħamsa u nofs ta’ waranofsinhar fi Triq is-Salina.

Fuq il-post marru minnufih il-pulizija fejn minn stħarriġ preliminari rriżulta li r-raġel li joqgħod Birkirkara tilef kontroll tal-mutur tat-tip Yamaha li kien qed isuq u nqaleb.

Fuq il-post issejjaħ tim mediku u ambulanza li ħadu lill-vittma l-Isptar Mater Dei sabiex jingħata l-kura meħtieġa.

Aktar tard, hu ġie ċċertifikat li qed isofri minn ġrieħi ta’ natura gravi.