Indjan ta’ 30 sena residenti Ħal Lija weġġa’ gravi wara li kien involut f’inċident tat-traffiku b’mutur f’Santa Venera.
Il-każ seħħ għall-ħabta tal-erbgħa u nofs tal-Ħamis waranofsinhar fi Triq Reġjonali.
REKLAM
SKROLLJA BIEX TKOMPLI
Il-Pulizija marret minnufih fuq il-post u minn stħarriġ preliminari rriżulta li kienet seħħet ħabta bejn mutur Kymco Agility misjuq mill-vittma, Honda Fit misjuqa minn raġel ta’ 31 sena residenti l-Marsa u Toyota Aygo misjuqa minn raġel ta’ 26 sena residenti San Ġwann.
Is-sewwieq tal-mutur ingħata l-għajnuna minn tim mediku u ttieħed l-Isptar Mater Dei b’ambulanza, fejn ġie ċċertifikat li sofra ġrieħi gravi. Il-Pulizija għaddejja bl-investigazzjonijiet fuq il-każ.
