Taljan indarab gravi wara li kien involut f’ħabta bejn żewġ karozzi fi Triq l-Avjazzjoni, il-Gudja.
L-inċident seħħ għall-ħabta tas-2:30 tal-bieraħ warnofsinhar meta Opel Astra li kienet qed tinstaq minn raġel ta’ 65 sena li jgħix il-Gudja, ħabtet ma’ Toyota misjuqa minn Taljana ta’ 29 sena li tgħix Ħal Qormi.
Magħha kien hemm riekba żewġt irġiel Taljani li t-tnejn ingħataw il-kura fl-Isptar Mater Dei. Wieħed minnhom ġie ċċertifikat li ndarab ħafif.
L-investigazzjonijiet tal-Pulizija dwar dan il-każ għadhom għaddejjin.
