Spanjol ta’ 39 sena li joqgħod Birkirkara sofra ġrieħi gravi f’inċident tat-traffiku.
Il-każ seħħ għall-ħabta tat-8:15 ta’ filgħodu fi Triq Reġjonali f’Santa Venera.
Minn stħarriġ preliminari rriżulta li r-raġel tilef kontroll u waqa’ minn fuq il-mutur tal-għamla Peugeot Citystar.
Fuq il-post issejjaħ tim mediku u ambulanza li ħaditu l-isptar.
Membri mid-Dipartiment tal-Protezzjoni Ċivili kienu wkoll fuq il-post sabiex jassistu.
L-investigazzjonijiet tal-Pulizija għadhom għaddejjin.
