Ingliż ta’ wieħed u erbgħin sena li jgħix Marsaskala jinsab fil-periklu tal-mewt wara li waqa’ għoli ta’ tliet sulari fl-Isla.
Il-każ seħħ kmieni dalgħodu għall-ħabta tas-sagħtejn u għaxra fi Triq il-Ħabs l-Antik, meta allegatament, ir-raġel waqa’ madwar tliet sulari minn gallarija ta’ residenza fl-imsemmija triq bil-konsegwenza li spiċċa fuq saqaf ta’ vettura.
Fuq il-post issejjaħ tim mediku li tah l-ewwel għajnuna, imbagħad ittieħed l-isptar b’ambulanza għal aktar kura, fejn ġie ċċertifikat li sofra ġrieħi serji.
Dwar il-każ infetħet inkjesta u l-investigazzjonijiet tal-Pulizija għadhom għaddejjin.
