Raġel ta’ 63 sena minn Ħaż-Żabbar qed isofri minn ġrieħi gravi wara li l-mutur li kien qed isuq tat-tip Peugoet tweet ħabat ma’ karozza ta’ tip Tatamobile 207 misjuqa minn raġel ta’ 73 miż-Żurrieq.
L-inċident seħħ għal ħabta tal-23:30 ta’ l-Erbgħa filgħaxija fi Triq il-Belt Valletta, miż-Żurrieq.
Fuq il-post issejħet ambulanza li ħadet lir-raġel ta’ 63 sena, l-isptar Mater Dei fejn aktar tard ġie ċċertifikat li qed ibati minn ġrieħi gravi.
L-investigazzjonijiet tal-Pulizija għadhoom għaddejjin.
