Raġel arrestat waqt rondi fl-inħawi ta’ Paceville b’rabta ma’ traffikar tad-droga

Raġel ta’ tletin sena mill-Mali li jgħix San Ġwann ġie arrestat wara li nstab fil-pussess ta’ diversi pakketti, allegatament droga.
Waqt rondi li kienu qed isiru fl-inħawi ta’ Paceville l-Ġimgħa filgħaxija, il-Pulizija raw raġel jaġixxi b’mod suspettuż u waqqfuh.
Wara li saret tfittxija fuqu, saret ukoll tfittxija f’kamra ta’ lukanda fil-viċin li kien qed jagħmel użu minnha.
Fil-kamra, il-Pulizija sabu tmintax-il pakkett b’sustanza bajda susptetatta droga kokaina, numru ta’ pirmli f’pakkett ieħor, tnax-il pakkett b’sustanza ħadra suspettata kannabis u diversi oġġetti relatati mal-bejgħ tad-droga.
Ir-raġel qed jinżamm arrestat u mistenni jitressaq il-Qorti fil-jiem li ġejjin.