Raġel ta’ 22 sena ġie arrestat b’rabta ma’ traffikar tad-droga kokaina.
Ħabbret dan il-Pulizija fi stqarrija hekk kif spjegat li r-raġel ġie arrestat ilbieraħ wara investigazzjonijiet mill-Pulizija tal-Iskwadra ta’ Kontra d-Droga.
Fil-fatt, intqal kif ir-raġel ta’ 22 sena mill-Furjana, twaqqaf ġewwa l-Pietà u nstab fil-pusses ta’ madwar 100 gramma sustanza suspettata kokaina, maqsuma f’diversi qratas.
Wara li ġie arrestat, saret tfittxija fir-residenza tiegħu fejn flimkien ma’ ammont ta’ flus kontanti nstabet aktar sustanza suspettata kokaina.
Il-Maġistrat tal-Għassa Dr Gabriella Vella LL.D ġiet infurmata bis-sejba u ħatret inkjesta.
Ir-raġel qiegħed jinżamm fil-lock-up tal-Pulizija fil-Kwartieri Ġenerali, il-Furjana u mistennijitressaq il-Qorti fil-jiem li ġejjin.
L-investigazzjonijiet tal-Pulizija tad-Distrett għadhom għaddejjin.
