Raġel ta’ 32 sena minn Raħal Ġdid ġie arrestat mill-Iskwadra ta’ Kontra d-Droga b’rabta ma’ traffikar ta’ droga kokaina.
Fi stqarrija l-pulizija qalet li segwietu u waqqfitu waqt li r-raġel kien qed isuq fi Triq il-Barrani fiż-Żejtun għall-ħabta tas-sitta ta’ filgħaxija.
REKLAM
SKROLLJA BIEX TKOMPLI
Fi tfittxija fil-karozza tiegħu nstabu żewġ kili ta’ sustanza bajda, allegatament droga kokaina.
Huwa stmat li l-valur tad-droga fit-triq hija ta’ madwar €180,000.
Ir-raġel mistenni jitressaq il-Qorti llum għall-ħabta tas-siegħa u nofs ta’ waranofsinhar.
L-investigazzjonijiet tal-Pulizija għadhom għaddejjin.
