Raġel ta’ 32 sena mill-Belt Valletta ġie arrestat b’rabta ma’ traffikar tad-droga.
L-arrest seħħ wara operazzjoni mill-Iskwadra ta’ kontra d-Droga flimkien mal-Pulizija tar-Rapid Intervention Unit.
Wara jiem ta’ sorveljanza, il-pulizija waqqfet karozza fi Triq Borg f’Birkirkara li kienet qiegħda tinstaq minn raġel.
Waqt tfittxija nsabu madwar 1.8 kilogrammi ta’ sustanza bajda moħbija, allegatament kokaina flimkien ma’ ammont ta’ flus kontanti.
Il-valur tad-droga fit-triq tlaħħaq ftit iktar minn €100,000.
Bil-każ ġiet infurmata l-Maġistrat tal-Għassa Natasha Galea Sciberras li ħatret inkjesta u għall-ħabta tal-14:15, ir-raġel mistenni jitressaq il-Qorti quddiem il-Maġistrat Marseanne Farrugia.
L-investigazzjonijiet tal-Pulizija għadhom għaddejjin.
