It-Tnejn filgħaxija, raġel ta’ 21 sena miż-Żejtun ġie arrestat mill-Iskwadra ta’ Kontra d-Droga f’Birżebbuġa.
Fi stqarrija, il-Pulizija spjegat li r-raġel ġie nnutat jaġixxi b’mod suspettuż f’Birżebbuġa.
Kien hemmek li l-Pulizija avviċinat lir-raġel u wara tfittxija li saret fuqu rriżulta li kien fil-pussess ta’ qratas b’sustanza bajda suspettata kokaina, ammont ta’ flus kontanti u diversi mowbajls.
Ir-raġel mistenni jitressaq il-Qorti fil-jiem li ġejjin.
L-investigazzjonijiet tal-Pulizija rigward dan il-każ għadhom għaddejin.
