Ritratt li qed idur fuq il-midja soċjali bħalissa qed inissel tbissima fuq fomm bosta, hekk kif qattus jidher rieqed f’vetrina ta’ ħanut f’Malta.
Ġest li żgur nisel għasel ma’ bosta, hekk kif fiż-żmienijiet xitwin li riesqin fuq pajjiżna, kulħadd ikollu bżonn naqra kenn u sigurtà mill-elementi. Tant, li ħafna juru tħassib minħabba annimali mingħajr dar li mhux dejjem isibu kenn f’dawn iż-żmienijiet.
Iżda huma bosta l-ħwienet li jdaħħlu xi ħlejqa bla dar għall-kenn fil-vetrini tagħhom, jew li forsi jżommu kumpanija lix-xerrija waqt li jkunu qed jagħżlu r-rigal tal-Milied, jew xi tibdila speċjali għal żmien il-festi.
Ritratt: Maria Attard
