Fl-unika partita tal-Ħadd fic-Centenary Stadium Mosta u Santa Lucia ħadu punt kull wieħed fi draw ta’ 1-1, biex hekk in-naħa t’isfel tal-klassifika baqgħet ferm kumpatta u indeċiża meta baqa’ erbgħa partiti għal tmiem l-istaġun.
L-ewwel azzjoni tal-partita waslet minn Mosta meta kien Jamie Scerri li kellu xutt li kien salvat tajjeb mill-goalkeeper ta’ Santa Lucia Francisco Da Paz.
Wara din l-azzjoni kellna nistennew sa’ l-40 minuta biex assistejna għal azzjoni oħra fejn din d-darba kienu Santa Lucia permezz ta’ Adam Bradshaw, bil-goalkeeper Mosti David Udoh Akpan dawwar l-ballun f’corner.
Mosta marru fil-vantaġġ propju fil-45 minuta meta wara azzjoni ta’ corner kien Henry Chidera Nwoga li bir ras tefa’ l-ballun fix-xibka wara l-goalkeeper Franciso Da Paz.
Fl-aħħar azzjoni ta’ l-ewwel taqsima Mosta għal ftit ma’ żiedux gowl ieħor meta l-konklużjoni ta’ l-istess Henry Chidera Nwoga spiċċat mal-lasti biex Santa Lucia ħelsuha ħafif u l-ewwel 45 minuta intemmet 1 – 0 favur Mosta.
Mal-bidu tat-tieni taqsima l-kowċ ta’ Santa Lucia wettaq żewġt bidliet meta Gabriel Mensah u Evandro Pinto Gomez kienu mibdula ma’ Alessio Piazza u Santiago Fabian Moracci.
U jidher li dawn l -bidliet ħallew l-frott mixtieq, dan għaliex fis –57 minuta Santa Lucia għamlu l-iskor indaqs meta wara azzjoni tajba minn naħa xellugija kien propju Alessio Piazza li tefa’ l-ballun wara l-goalkeeper Mosti biex għamel l-iskor indaqs.
Wara dan l-gowl l-azzjoni kienu rari ħafna fejn ma kienet innotata ebda azzjoni oħra, biex bl-iskor ta’ 1-1 intemm dan l-konfront.
Referee: Trustin Farrugia Cann
BOV Plejer tal-lobgħa:- Alessio Piazza (Santa Lucia )
