Grupp ta’ attivisti maltin għamlu protesta simbolika fil-bidu tal-logħba mir-Rugby Union Conference bejn Malta u Iżrael.Waqt l-innu nazzjonali ta’ Iżrael, l-attivisti wrew bnadar tal-Palestina u anke karti ħomor. Dan bħala protesta għall-bumbardamenti iżraeljani f’Gaza, liema bumbardamenti qatlu mal-40 elf persuna ċivili. L-attivisti kienu ġejjin mill-Moviment Graffitti, Ġustizzja għall-Palestina, Watermelon Warriors, Lebanese Advocates u Youth for Palestine.Huma rnexxielhom idaħħlu magħhom bnadar tal-Palestina, minkejja s-sigurta’ kbira li kien hemm għal din il-logħba.It-team nazzjonali malti tar-Rugby Union bħalissa jinsab fl-azzjoni f’logħba oħra kompetittiva mir-Rugby Europe Conference logħba li qed tintlagħab fit-Tony Beżżina Stadium Kordin.Sal-intervall Iżrael qed jirbħu bl-iskor ta’ 6-0.
