L-attur Tavi Castro, popolari fuq il-midja soċjali għal filmati tiegħu jesplora qiegħ il-baħar f’diversi nħawi madwar id-dinja, tella’ li qed igawdi s-sbuħija li teżisti għall-għaddasa f’pajjiżna.
Castro, li hu wkoll negozjant, DJ u bodybuilder, għandu mal-ħames miljun segwaċi fuq Instagram.
REKLAM
SKROLLJA BIEX TKOMPLI
F’wieħed mill-aħħar posts tiegħu fuq din il-pjattaforma, hu kien kiteb li wasal il-ħin biex jesplora Malta u d-dinja taħt f’wiċċ l-ilma tagħha li ddeskriviha b’saħħitha u misterjuża.
Fil-fatt l-ewwel filmati tiegħu minn fostna laħqu mal-għaxar miljun persuna f’perjodu ta’ sebat ijiem, waqt li wiegħed lill-ammiraturi tiegħu iżjed avventura mill-ibħra madwar pajjiżna fil-jiem li ġejjin, xi ħaġa li sabet l-appoġġ ta’ bosta.
