Għall-ħabta tan-12:30 segwaċi ta’ ONE se jkunu jistgħu jsegwu programm speċjali li se jkun qed jiddiskuti bosta affarijiet b’rabta mal-kampanja elettorali u l-elezzjoni ġenerali.
REKLAM
SKROLLJA BIEX TKOMPLI
Tul il-programm se jkun hemm għadd ta’ kollegamenti mir-Rally Team Malta tal-Partit Laburista li se jkun qed jittella’ fl-MFCC f’Ta’ Qali u kif ukoll kollegamenti mill-Kumpless tal-Għadd tal-Voti u l-Uffiċini tal-Kummissjoni Elettorali fin-Naxxar.
Dan hekk kif sa nofsillejl huwa l-aħħar ċans biex tiġbor id-dokument tal-vot u tkun tista’ tivvota nhar is-Sibt li ġej.
Ix-xandira se tkun qed tixxandar fuq l-istazzjon ONE fejn se tkun qed takkumpanja lis-segwaċi sa nofsillejl flimkien mal-preżentaturi Rodrick Azzopardi Zerafa u Paula Cauchi.
