Fid-9 ta’ Lulju fit-20:00, The Johane Casabene Dance Conservatoire, se tkun qed tirrappreżenta l-produzzjoni jmiss bl-isem ta’ Wizard of Oz fis-sala tal-Mediterran għall-Konferenzi. Johane Casabene u JCDC Teaching Faculty ħadmu flimkien biex ħolqu din l-istorja klassika ta’ Dorothy, tifla raħlija minn Kansas.
L-udjenza se jkollha l-opportunità li ssir parti mid-dinja maġika ta’ Dorothy hekk kif tmur f’Munchkin Land. Fi triqitha, Dorothy tiltaqa’ ma’ diversi karattri interessanti, kemm tajbin iżda kif ukoll uħud li jkollhom ħsieb malizzjuż.
Kull min hu interessat li jattendi għal din il-produzzjoni, jista’ billi jibbukkja l-post tiegħu fis-sit tal-MCC. Wieħed jista’ jixtri biljett fl-uffiċċju tal-MCC is-Sibt 7 ta’ Lulju mill-10:00 sas-13:00 kif ukoll it-Tnejn 9 ta’ Lulju bejn l-10:00 u s-13:00 jew bejn il-17:00 u s-19:00.
