Il-Partit Laburista għaddej bi proċess ta’ tiġdid bil-fatti. Dan kien il-messaġġ ewlieni li għadda id-Deputat Mexxej għall-Affarijiet tal-Partit tal-Partit Laburista Daniel Micallef waqt l-attività politika f’Ħal Balzan il-Ħadd filgħodu. Dan qed isir fost l-oħrajn bi tfassil tat-tiġidid tal-istrutturi tal-partit.
Huwa stqarr: “Din il-ġimgħa stess għandna numru ta’ laqgħat u flimkien ma’ sħabi tal-amministrazzjoni u d-delegati fil-ġimgħat li ġejjin imbsgħad inħabbru l-mod ta’ kif l-istrutturi tal-Partit ħa jkunu qegħdin jiġġeddu biex jaffrontaw u jilqgħu għar-realitajiet tas-soċjetà tal-lum u dejjem niftħu aktar beraħ il-bieb biex kull min hu ta’ interessat u għandu rieda tajba, jikkontribwixxi fi ħdan il-Partit.”
Dwar l-immigrazzjoni stqarr li l-immigranti huma bndemin u umani bħalna, u ma nistgħux inħallu l-emozzjonijiet jiġru bina. Stqarr kif solidarjetà ma tfissirx li jkunu salvati n-nies mill-għarqa iżda li ħajjet il-persuni ma titpoġġiex fil-periklu mill-kriminali traffikanti mill-bidu. Għalhekk jaqbel mal-ħidma li qed jagħmel il-Gvern Malti għal dan il-għan.
Hawn enfasizza l-importanza li l-Partit Laburista jżomm il-bieb miftuħ għal dawk kollha b’rieda tajba, u nnota li l-qgħada ekonomika tajba li pajjiżna tħalla fiha minn tmexxija ta’ Gvern Laburista
Is-Sur Micallef sostna: “Ħaddieħor qed jgħidilna li Malta fl-aħħar snin kellha mudell ekonomiku mhux stabbli, u qed nikkwota. Mhux stabbli meta kellna l-akbar tkabbir fl-Unjoni Ewropea sena wara sena, mela x’kien mudell ekonomiku stabbli? il-Mudell tal-amministrazzjoni preċedenti li wassal biex pajjiżna kien fi proċedura ta’ defiċit eċċessiv?”
Micallef stqarr li huwa pożittiv u meta jħares ‘il quddiem jara li wara l-pandemija Malta se tkun preparata sabiex taqbad ir-rittmu għal aktar ħolqien tal-ġid.
Il-President tal-Partit Laburista Ramona Attard ukoll stqarret li f’dan iż-żmien huwa importanti li nserrħu fuq il-fatti xjentifiċi.
Qalet kif numru ta’ nisa li qed jibżgħu jibgħatu t-tfal l-iskola qed jieqfu jaħdmu jew jieħdu pawża mill-karriera, u li huma nisa biss li jagħmlu din id-deċiżjoni. Hawn fissret l-importanza li n-nisa jkunu indipendenti finanzjarjament.
Hija qalet: “Jien nappella, kemm hi importanti l-indipendenza ekonomika tan-nisa, kemm hi importanti anke għat-tagħlim tat-tfal stess, anke biex noħolq ġenerazzjoni futura ta’ ugwaljanza li jaraw fejn hu possibli liż-żewġ ġenituri jaħdmu.”
Dr. Attard stqarret ukoll li hu important wkoll li wieħed jara min qed juża t-‘telework’ u jekk dan iċaħħadx lil ħaddiema milli jeċċellaw fil-karriera tagħhom.
Dwar l-introduzzjoni tal-IVF f’pajjiżna, stqarret li dan huwa xhieda ta’ kemm il-Partit Laburista huwa verament favur il-ħajja, u mhux il-Partit li jiddistingwi bejn min għandu l-flus u min le.
Iżda rrikonoxxiet ukoll li xorta hawn persuni li ma jistgħux ikollhom tfal. Hawn innotat kif il-liġi tal-pajjiż għadha twaqqaf milli mara jkollha tarbija jekk xi ħadd qrib tagħha jġorrulha għal-disa’ xhur. Semmiet ukoll l-importanza ta’ reviżjoni fil-liġi tad-divorzju, filwaqt li trid tibda diskussjoni fuq l-użu rikreazzjonali tal-kannabis.
Dr. Attard saħqet: “M’aħniex ser nibżgħu li nkunu dak il-Partit, il-moviment mibni madwar il-Partit Laburista, li jibqa’ l-unika wieħed liberali u progressiv f’pajjiżna.”
Ara wkoll:
https://www.one.com.mt/2020/10/11/naghti-garanzija-li-se-nibqghu-gvern-li-jhares-ir-ruh-socjali-u-li-jibqa-vicin-iz-zghir-u-l-batut-il-pm/
