Ilbieraħ saru l-ewwel set ta’ preżentazzjonijiet lit-timijiet li ġew dikjarati ċampjins fit-tmiem l-istaġun li għadda.
Kmieni filgħaxija saret il-preżentazzjoni lit-tim femminili ta’ Birkirkara F.C. fejn fil-grawnd tal-infetti f’Birkirkara huma ġew mogħtija t-trofew ta’ ċampjins tal-Kampjonat tan-Nisa.
Ftit wara kien imiss lill-Marsa FC li jingħataw t-trofew ta’ ċampjins tal-Kampjonat tat-Tieni Diviżjoni, liema trofew ingħata quddiem il-clubhouse tal-stess lokalità.
L-aħħar preżentazzjoni saret lit-tim ta’ Żejtun Corinthians, ċampjins tal-Kampjonat tal-Ewwel Diviżjoni. Żejtun ingħataw it-trofew fil-pjazza tal-lokalità.
