Huma tlieta l-pilastri li fuqhom trid issir ħidma bil-għan li tissaħħaħ id-diplomazija fil-kultura. Dan huma l-ħarsien tal-wirt kulturali, il-kultura bħala pilastru għal tkabbir soċjo ekonomiku u d-djalogu interkulturali.
Kienu dawn l-elementi li tkellem dwarhom il-Kummissarju Ewropew għall-kultura Tibor Navracsics u l-Ministru għall-kultura Owen Bonniċi matul konferenza f’pajjiżna.
Huma saħqu li pajjiżna huwa sinjur fil-kultura u għalhekk il-Presidenza tal-Kunsill tal-Unjoni Ewropea se tkun qed taħdem favur l-aspett tad-diplomazija fil-kultura, aspett li għandu jwassal għal aktar għaqda bejn il-pajjiżi globalment.
