Ftit iktar minn ġimgħa qabel The Malta Song in Concert, il-Malta Community Chest Fund ippospona dan il-kunċert mingħajr ma tah data oħra.
one.com.mt huwa infurmat li dawk li laħqu xtraw il-biljetti ġew ikkuntattjati biex jieħdu l-flus lura, anki minkejja li skont imkejjen fi ħdan l-uffiċċju sostnew li l-kunċert ma ġiex ikkanċellat iżda pospost.
Il-kunċert li kellu jsir fil-Valletta Waterfront kellu jkun ta’ vetrina għal mużika marbuta mal-Eurovision f’Malta bis-sehem t’artisti lokali u oħrajn barranin fosthom ir-rebbieħa tal-Eurovision Johnny Logan u Dana International u d-dwett Taljan Jalisse. Fil-kunċert li l-fondi iġġenerati minnu kellhom imorru għal ‘The Malta Community Chest Fund” kellha tieħu sehem ukoll l-orkestra tal-PBS.
Dan is-sit huwa infurmat ukoll li numru ta’ ammiraturi tal-Eurovision barranin kellhom kollox imħallas biex jiġu Malta għal dan il-kunċert.
