Il-Coronavirus jista’ jgħodd ukoll lill-aġent sigriet famuż Brittaniku James Bond bħala wieħed mill-vittmi tiegħu.
Dan hekk kif il-wiri tal-aħħar film mis-serje ta’ 007, No Time To Die, ġie pospost għat-12 ta’ Novembru li ġej. Huwa kellu jibda jintwera mit-2 ta’ April.
Fi stqarrija konġunta bejn il-produtturi tal-film intqal li dan qed isir wara konsiderazzjoni bir-reqqa u evalwazzjoni tas-sitwazzjoni fiċ-ċinema madwar id-dinja.
Għalkemm ma saret l-ebda referenza fl-istqarrija, jidher li waħda mir-raġunijiet ewlenin wara l-posponiment huwa l-fatt li l-attivita fiċ-Ċina waqfet kważi għal kollox kawża ta’ dan il-virus.
Dan hekk kif illum iċ-ċinema fiċ-Ċina hija kkunsidrata bħala kruċjali għas-suċċess jew falliment ta’ films blockbuster bħal No Time To Die.
Fil-fatt fl-aħħar film mis-serje ta’ 007, kwart tal-qliegħ globali li għamel kien dovut miċ-Ċina waħidha.
Intant dan il-posponiment huwa t-tieni wieħed għal No Time To Die wara li kien diġa pospost minħabba diffikultajiet waqt il-ġbid tal-film. Dan ifisser li meta l-film se jintwera sena tard mid-data oriġinali ta’ Novembru 2019.
embed tweet:
MGM, Universal and Bond producers, Michael G. Wilson and Barbara Broccoli, announced today that after careful consideration and thorough evaluation of the global theatrical marketplace, the release of NO TIME TO DIE will be postponed until November 2020. pic.twitter.com/a9h1RP5OKd
— James Bond (@007) March 4, 2020
