Il-kompetizzjonijiet tal-Għid il-Kbir organizzati mill-Malta Pool Association għadhom kif ġew fi timem tagħhom biż-żewġ finali jintlagħbu ġewwa PL Fgura u La Stella Band Club.
Fil-kategorija tal-Premier u l-Ewwel Divizjoni kellna r-rebħa ta’ Jojo’s Bar B’ Buġa li f’ finali mill-aktar eċċċitanti għelbu lil Tarxien Boċċi Club bl-iskor ta’ 11-9. Dan kien l-ewwel unur mirbuħ mit-tim ta’ B’ Buġa li kien kumpatt u determinat matul il-kompetizzjoni.
REKLAM
SKROLLJA BIEX TKOMPLI
Fil-finali tal-kategorija tat-Tieni u Tielet Divizjoni Għaxaq Boċċi Club kisbu rebħa kbira ta’ 11-4 fuq St. George’s Band Club Qormi. Kif juri r-riżultat it-tim Għaxqi kien superjuri għal dak Qormiz u rebaħ dan l-unur għat-tieni sena konsekuttiva.
