Wara stennija kbira minn miljuni ta’ entużjasti tal-futbol internazzjonli, id-destin tal-aħħar tmien timijiet fil-kompetizzjoni taċ-Champions League issa nkixef fil-poloz tal-kwarti finali ġewwa Nyon fl-Isvizzera.
It-timijiet kif se jaffrontaw lil xulxin:
Barcelona vs Roma (4 t’April u 10 t’April)
Sevilla FC vs Bayern Munich (3 t’April u 11 t’April)
Juventus FC vs Real Madrid (3 t’April u 11 t’April)
Liverpool FC vs Manchester City (4 t’April u 10 t’April)
Il-ġganti tal-futbol ewropew, Barcelona, Real Madrid u Bayern Munich kollha irnexxilhom jevitaw lil xulxin.
Madankollu dan ma jistax jingħad għall-aħħar żewġ timijiet ingliżi fil-kompetizzjoni hekk kif Liverpool ser jaffrontaw lil Manchester City. Dan jassigura li tim wieħed ingliż biss ser javvanza għas-semi finali tat-tazza prestiġġjuża.
Spikka ukoll il-konfront bejn Juventus u Real Madrid. Konfront li jqanqal memorji mill-iktar ċari għall-partitarji tat-timijet rispettivi wara l-finali tal-istess kompetizzjoni tas-sena l-oħra f’Cardfif. Finali li fiha Real Madrid għelbu lit-tim taljan 4-1 bl-istilla portugiża Cristiano Ronaldo jsib ix-xibka darbtejn flimkien ma’ Casemiro u ż-żagħżugħ tekniku Asensio.
Punti interessanti fuq kull konfront:
Barcelona vs Roma (4 t’April u 10 t’April)
- Iż-żewġ timijiet iltaqgħu totall ta’ 4 logħbiet f’kompetizzjonijiet tal-UEFA. Iż-żewġ timijiet irnexxilhom jakkwistaw rebħa kontra xulxin bil-bqija tal-konfronti jirriżultaw fi dro.
- Ġewwa il-Camp Nou, Roma qatt ma irnexxilhom jgħelbu lill-Barcelona fi tnax-il konfront.
- L-istilla Arġentina Lionel Messi għandu totall ta’ 12-il gowl fi dsatax-il logħba kontra it-tim tal-kapitali taljana.
Sevilla FC vs Bayern Munich (3 t’April u 11 t’April)
- Dawn iż-żewġ timjiet qatt ma’ ltaqgħu qabel.
- Bayern Munich tilfu konfronti fl-aħħar ħames logħbiet fi Spanja. Sevilla ukoll qatt ma tilfu f’darhom kontra l-ġganti Ġermaniżi.
- Sevilla irnexxilhom jegħlbu oppożizzjoni ġermaniża fl-erba’ parteċipazzjonijiet f’kompetizzjonijiet Ewropej.
Juventus FC vs Real Madrid (3 t’April u 11 t’April)
- Juventus u Real Madrid iltaqgħu totall ta’ 19-il darba b’Juventus jirbħu 8 logħbiet u Real jirbħu 9 rispettivament.
- Cristiano Ronaldo ġemma totall ta’ 7 gowls f’ħames logħbiet kontra Juventus – b’gowl kull 64 minuta.
- Juventus irnexxilhom jirbħu 6 logħbiet minn 7 kontra Real Madrid ġewwa Turin.
Liverpool FC vs Manchester City (4 t’April u 10 t’April)
- Iż-żewġ timjiet qatt ma iltaqaw iltaqaw fil-passat f’kompetizzjonijiet Ewropej.
- Madankollu minn totall ta’ 178 konfront fl-Ingilterra, Liverpool għandhom 87 rebħa fuq Manchester City fejn rebħu biss 45. Il-konfront bejn iż-żewġ timijiet ingliżi irriżulta ukoll f’46 dro.
- Ta’ min jinnota ukoll li fl-aħħar tmien konfronti kontra Liverpool, Manchester City rebħu biss logħba waħda. Liverpool huma l-unika tim li rnexxilhom jegħlbu lit-tim ta’ Pep Guardiola matul dan l-istaġun.
