Dawk minnkom li jħobbu lil “Zootopia” se jkollhom jagħżlu liċ-Ċina bħala d-destinazzjoni futura tagħhom.
Ix-Shanghai Disney Resort għadhom kif svelaw il-pjanijiet tagħhom għal park ġdid bit-tema ta’ “Zootopia”. Għalkemm iktar dettalji għadhom mhux disponibbli f’dan l-istadju, Disney qalu li l-bini ta’ dan il-park se jibda’ iktar tard din is-sena.
L-għażla ta’ Shangai mhix sorpriża. Dan minħabba li “Zootopia” kellu suċċess kbir billi kiser ir-rekords tal-box office kollha u “Zootopia” kien suċċess kbir fiċ-Ċina peress li ġie l-ewwel fil-klassifika tal-films animati fl-istorja.
Iċ-Ċermen tal-parks ta’ Disney, Bob Chapek stqarr li dan kollu juri l-impenn u l-kunfidenza li għandna fl-iżvilupp tal-kumpanija fiċ-Ċina.
