Matul dibattitu fil-Parlament fuq l-estimi finanzjarji tal-Ministeru għat-Trasport, l-Infrastruttura, u x-Xogħlijiet Pubbliċi, ġie imħabbar li pajjiżna se jkun għaddej minn pjan ħolistiku biex jara li t-traffiku f’pajjiżna jitrażżan b’mod sostanzjali u sostenibbli, filwaqt li dan jiġi ikkumplimentat b’bosta xogħlijiet oħra fit-toroq tagħna, inkluż dak tal-Imsida Creek.
Qal, “Nibda bil-proġett tal-Imsida Creek li se jkun il-proġett maġġuri f’dawn is-snin li ġejjin. Proġett li jirrifletti b’mod ċar l-għanijiet tagħna, għal infrastruttura aktar moderna u miftuħa għall-komunità. Fuq livell ta’ trasport, il-proġett tal-Imsida Creek se jinkludi flyover ġdida li tissostitwixxi s-sistema preżenti u antika tat-traffiku li tikkawża t-traffiku. Fl-istess, ir-restructuring taż-żona se tagħmel l-Imsida ħafna aktar aċċessibbli għal dawk li juża mezzi alternattivi tat-trasport.”
Il-Ministru tenna l-bżonn li t-trasport bil-baħar permezz tal-ferries jiffrekwenta ruħu, u għaldaqstant, dalwaqt se jkun qed jitlesta x-xogħol fuq il-ferry landing ta’ Buġibba, u tħabbar li l-lokalità potenzjali li jmiss li se jkollha ferry landing hi l-lokalità ta’ Marsaskala.
Tħabbar ukoll li se ssir reviżjoni fir-rotot tat-trasport pubbliku fuq l-art, kif ukoll se tiżdied il-frekwenza f’numru ta’ rotot mill-1 ta’ Diċembru, inkluż f’rotta numru 90, li twassal għall-Fgura u Ħaż-Żabbar, rotta numru 47 li se tindirizza ż-żieda fid-domanda tal-Mosta, u se jiġu estiżi r-rotot numru 101, 103, u 80, li jagħtu għall-Mellieħa, Burmarrad, u l-Qajjenza.
Min-naħa tiegħu, is-Segretarju Parlamentari għax-Xogħlijiet Pubbliċi, Omar Farrugia, irrimarka kif fis-sena li għaddiet, id-Dipartiment tax-Xogħlijiet Pubbliċi mexxa 80 proġett madwar Malta li jinkludu proġetti infrastrutturali, riġenerazzjoni ta’ ġonna, u spazji miftuħa.
Qal, “Ix-xogħol tagħna fl-2024 kien b’saħħtu u konkret, iżda dan huwa biss il-bidu. Dak li żrajna din is-sena, impenjat li narah li jkun mibdul fi proġetti tanġibbli li jagħmlu d-differenza, irrispettivament minn kemm hi kbira din id-differenza. Proġetti li dejjem ikun ta’ kwalità għall-ħajja taċ-ċittadin huwa bil-wisq importanti f’din il-ħidma ta’ dan il-Gvern għaliex dak iċ-ċittadin li tkun tajtu dik it-tama, u aħna qegħdin hawnhekk sabiex inservu u nagħmlu d-differenza fil-ħajja tal-familji Maltin u Għawdxin.”
