Pfizer tgħid li l-pillola li qed tiżviluppa hija 89% effettiva kontra l-COVID-19

Riżultati ta’ testijiet dwar pillola kontra l-COVID-19 li qed tiġi żviluppata mill-kumpanija Pfizer juru li din il-mediċina tnaqqas id-dħul fl-isptarijiet b’każijiet severi jew imwiet ta’ persuni vulnerabbli bil-virus b’89%.

Din l-aħbar issegwi dak li tħabbar ilbieraħ, li r-regolatur tal-mediċini tar-Renju Unit approva trattament simili żviluppat mill-kumpanija Merck Sharp and Dohme.