Anzjan ittieħed l-isptar Mater Dei wara li ntlaqat minn vettura fil-lokalità ta’ San Pawl il-Baħar.
L-inċident seħħ għall-ħabta tal-10:15 fi triq il-Pijunieri f’San Pawl il-Baħar meta l-anzjan ta’ 73 sena residenti Buġibba ntlaqat minn vettura tat-tip Toyota Vitz misjuqa minn mara ta’ 41 sena residenti l-Mellieħa.
Fuq il-post issejħet ambulanza fejn ħadet lill-persuna l-isptar Mater Dei.
Il-kundizzjoni għadha mhix magħrufa.
