Taljan ta’ 53 sena minn Marsaskala ndarab gravi wara li waqa’ sular għoli f’sit ta’ kostruzzjoni fiż-Żurrieq. Il-każ seħħ għall-ħabta tad-9:30 fi Triq it-Torri fiż-Żurrieq meta għal xi raġuni r-raġel, li kien qed iħott xi affarijiet f’sit ta’ kostruzzjoni bil-konsegwenza li waqa’ madwar sular għoli.
Fuq il-post issejħet ambulanza fejn ħadet lir-raġel l-isptar Mater Dei biex jirċieivi l-kura meħtieġa.
Aktar tard hu ġie ċċertifikat li qed isofri minn ġrieħi gravi.
