Mara ta’ 50 sena mis-Siġġiewi ttieħdet l-isptar b’urġenza wara inċident tat-traffiku fi Triq Salvu Curso fis-Siġġiewi.
Il-ħabta f’salib it-toroq seħħet għall-ħabta tas-12:55pm bejn karozza tat-tip Mazda Demio misjuqa mill-mara ta’ 50 sena u karozza tat-tip Toyota Vitz misjuqa minn mara ta’ 27 sena miż-Żejtun.
Immedjatament fuq il-post intalbet l-assistenza ta’ tim mediku mill-Isptar Mater Dei li taw l-ewwel għajnuna lill-vittma li minn informazzjoni li kiseb one.com.mt jidher li ġarrbet xi ġrieħi.
Minkejja dan, il-kundizzjoni tagħha għadha mhux magħrufa.
Fuq il-post intalbet ukoll l-assistenza tal-Pulizija li se jkunu qed jinvestigaw dan il-każ.
