Visit Malta flimkien mal-Inter Club PUPI Zanetti Malta organizzaw penalty shoot-out b’risq Puttinu Cares fejn rat is-sehem tal-eks goalkeeper ta’ Sliema Wanderes Ernest Barry, kif ukoll l-eks goalkeeper Brażiljan ta’ Inter, Julio Cesar.
Minn din l-attività, is-somma għal Puttinu kienet ta’ madwar elf ewro.
F’kumment ma’ ONE News, il-goalkeeper ta’ fama dinija rringrazzja lill-Maltin għall-ospitalità tagħhom u qasam messaġġ ta’ inkoraġġiment lejn it-tfal Maltin li erbat ijiem oħra jaspiraw biex ikollhom karriera ta’ suċċess fil-futbol.
Qal, “Non smettere di sognare mai, lavorare, avere una consistenza sul lavoro che se ci credi in te stesso ne cosa po cadere in una degli migliori modi.”
Il-President tal-Inter Club PUPI Zanetti Malta, Paul Fenech, saħaq li fil-futur qarib, se jkunu qed iżuru l-gżira tagħna aktar plejers leġġendarji sabiex ikomplu jagħtu opportunitajiet lit-tfal u adulti Maltin u Għawdxin.
Qal, “L-hena tiegħi dawn l-affarijiet, u inwegħdu lis-supporters Interisti u speċjalment tal-Inter Club PUPI Zanetti Malta li se nkomplu naħdmu biex is-sena d-dieħla nkomplu nġibu iżjed plejers. Diġà għandna programmati, jekk Alla jrid kif tibda s-sena, inkomplu naħdmu biex inġibuhom fostna.”
