Permezz ta’ stqarrija fuq il-paġna uffiċjali tagħhom ta’ facebook, Birkirkara FC ħabbru li waslu f’ftehim mal-kowċ Olandiż Andre’ Paus sabiex tintemm ir-relazzjoni ta’ bejniethom.
Filfatt il-kuntratt ta’ Paus kien ser jintemm mat-tmiem dan l-istaġun u għalhekk mhux ser ikun qed jiġġedded. Għal aħħar tlett partiti tal-kampjonat, Jonathan Holland ser ikun qed jmexxi lit-tim Karkariż.
Paus ilu jmexxi lil Birkirkara FC għal dawn l-aħħar tlett staġuni.
Din l-aħbar waslet ftit ġranet biss wara l-eliminazzjoni tat-tim Karkariż mill-FA Trophy għas-spejjes ta’ Floriana FC. Fil-mument Birkirkara FC jinsabu fit-tielet post tal-klassifika tal-Kampjonat Premier Malti, sitt punti taħt Floriana FC li inċidentalment ser ikunu qed jerġaw jaffaċjawhom nhar is-Sibt li ġej f’logħba oħra mill-aħħar rawnd tal-Kampjonat Premier.
