Għada l-Palazz tal-President fil-Belt Valletta se jospita l-Konferenza tal-Ħolqien tal-Kontenut, bħala parti mill-Mediterrane Festival Festival.
Dan l-avveniment se jinkludi wħud mill-akbar ismijiet fil-midja soċjaliu fost il-kelliema mistiedna hemm Itzshauni, Jakebsweet, Josh Harmon, Keikei Travels, Louis Levanti u se jkun qed jinghaqad magħhom ukoll ħadd ħlief l-eks stilla tal-futbol Patrice Evra.
Evra, li kien ukoll plejer prominenti fit-tim nazzjonali Franċiż, hu l-aktar magħruf għat-tmin snin li dam jilgħab ma’ Manchester United, biex imbagħad ingħaqad ma’ Juventus fejn kiseb tliet titli fis-Serie A.
Wara li rtira mill-futbol professjonali, Evra rnexxielu jagħmel tranżizzjoni għal personalità tal-midja soċjali.
Din il-konferenza f’pajjiżna minn dawn l-influencers internazzjonali kollha b’miljuni ta’ followers toffri lill-parteċipanti għarfien mingħand l-aqwa kreaturi tal-kontenut u opportunitajiet ta’ networking.
