Mhix xena tas-soltu li wieħed jara kelb liebes nuċċali tax-xemx riekeb bħala passiġġier fuq mutur flimkien ma’ sidu għaddej fil-Belt Valletta.
F’ritratt li ttieħed fi Triq San Pawl fil-Belt Valletta wieħed jista’ jara lil dan il-kelb ċkejken riekeb fuq il-kaxxa ta’ quddiem tal-mutur li kien qed jinstaq minn raġel.
Minkejja li huma bosta bnedmin li jibżgħu mill-mutur, żgur mhux forsi li dan il-kelb iħossu komdu hekk kif mir-ritratt jidher li ħa pożizzjoni komda u stabbli biex iżomm sigur waqt li jasal fid-destinazzjoni mixtieqa.
Ritratt: Marita Pace Dimech / Gareth Degiorgio
