Illejla wara l-22.00, Triq Mikiel Anton Vassalli, mill-mini ta’ Triq Reġjonali sar-roundabout tal-Kappara u s-sliproad ħdejn l-iskatepark direzzjoni lejn Paceville, ser ikunu magħluqa għat-traffiku għal madwar sagħtejn sakemm isir xi xogħol bil-krejn.
Waqt li t-toroq ikunu magħluqa, it-traffiku ser jgħaddi mill-bypass ta’ Birkirkara. Is-sewwieqa huma mitluba jsuqu bil-galbu u jsegwu l-istruzzjonijiet mill-uffiċjali fuq il-post.
