It-tiratur malti Gianluca Chetcuti temm l-impenji tiegħu fil-kompetizzjoni Trap tal-irġiel fil-Logħob Olimpiku ta’ Pariġi hekk kif it-Tlieta filgħodu komplew il-kwalifikazzjoni bl-aħħar żewġ rounds. Chetcuti spiċċa fid-29 post minn 30 tiratur.
Wara li t-Tnejn saru l-ewwel żewġ rounds, b’Chetcuti jolqot 69 minn total ta’ 75 plattina, it-Tlieta saru ż-żewġ rounds l-oħra ta’ 25 plattina ‘l wieħed.
REKLAM
SKROLLJA BIEX TKOMPLI
Fir-raba’ round il-malti mar tajjeb ħafna meta laqat il-25 plattina. Fil-ħames u l-aħħar round laqat 22 biex b’hekk temm il-kwalifikazzjoni fid-29 post bi skor finali ta’ 116 -il plattina.
L-aħjar sitt tiraturi għaddew għall-finali tal-lum wara nofs-in nhar.
