Palestinjan ta’ 39 sena li joqgħod Tas-Sliema ġie arrestat b’rabta ma’ bejgħ ta’ passaporti u permessi ta’ residenzi foloz biex nies jidħlu jew joħorġu minn Malta.
Huwa ġie arrest ilbieraħ f’Tas-Sliema wara ġimgħat ta’ investigazzjonijiet u osservazzjoni mill-Pulizija mit-Taqsima tal-Immigrazzjoni. Minn tfitxxija li saret fuqu nstab ammont ta’ flus kontanti.
Ir-raġel se jitressaq il-Qorti llum, għall-ħabta ta’ 12:00pm quddiem il-Maġistrat tal-Għassa Dr Charmaine Galea.
