Għada mistenni jasal f’pajjiżna l-aħħar akkwist ta’ Birkirkara F.C. Alex Paixão magħruf aħjar bħala Lecao.
Għal l-attakant ta’ 27 sena dan ser ikun it-tielet klabb Malti li ser jilgħab miegħu hekk kif fil-passat riċenti lagħab ma’ Tarxien Rainbows F.C. u Balzan F.C. L-aħħar klabb li lagħab miegħu kienu Al Akhdoud Club fl-Arabja Sawdija.
Minkejja spekulazzjonijiet li l-wasla ta’ Lecao tista’ tfisser it-tluq ta’ Caio Henrique, din il-paġna tista’ tikkonferma li Birkirkara F.C. m’għandhom ebda intenzjoni li jitilfu s-servizzi tal-attakant Brażiljan.
