“Illum kienet l-aħħar ġurnata tiegħek bħala pulizija.” Dan kien kliem bint il-pulizija Simon Schembri li spiċċa mill-25 sena servizz fil-Korp.
Leah Schembri qalet li missierha għamel 25 sena jsalva l-ħajjiet u jidħol fin-nar għan-nies. Bla dubju esprimiet id-dispjaċir li lejn tmiem il-karriera tiegħu daq l-imrar u spiċċa jissielet għal ħajtu.
Hija sostniet li tinsab kburija b’missierha u b’dak kollu li għamel. Qalet li pajjiżna jeħtieġ iżjed nies ta’ servizz bħal Simon Schembri. Sostniet li t-traġedja li għaddew minnha bħala familja għenithom japprezzaw kull mument f’ħajjithom.
