Missier tilef ħajtu waqt li kien qed jipproteġi lil uliedu minn attakk rari minn ors polari fit-teritorju Kanadiż ta’ Nunavut.
Aaron Gibbons ta’ 31 kien fuq il-gżira ta’ Sentru, popolari ħafna għas-sajd u kif ukoll għall-kaċċa meta ltaqa’ mal-ors fit-3 ta’ Lulju.
Qarib tiegħu spjega kif Gibbons tilef ħajtu iżda se jibqa’ meqjus bħala eroj fejn qal lil uliedu jitilqu jiġru filwaqt li poġġa lilu nnifsu bejn l-ors u bejn uliedu.
It-tfal ma sofrew ebda ġrieħi iżda l-missier tilef ħajtu waqt l-attakk. Persuna oħra aktar tard sparat u qatlet lill-ors.
