Il-faċilità tal-isptar tal-annimali l-ġdid qed tagħti l-opportunità biex isiru interventi kirurġiċi fosthom tal-kataretti.
Dawn qabel ma kinux isiru f’pajjiżna u sidien ta’ klieb jew qtates kien ikollhom imorru barra mill-pajjiż bi spejjeż tagħhom.
One News iltaqa’ mal-oftalmologu, Beppe Visigalli li fl-aħħar ta’ Jannar għamel l-ewwel żewġ interventi tal-kataretti f’pajjiżna fuq żewġt iklieb.
Huwa faħħar l-isptar tal-annimali; pass importanti li qed jittieħed bil-għan li jkun hawn aktar kura aċċessibbli għall-annimali f’pajjiżna.
