Bħal ma qed jiġri kull tmiem il-ġimgħa sal-aħħar ta’ April, l-attivitajiet ‘Inwettqu Flimkien’ komplew is-Sibt, fejn il-familji kellhom l-opportunità li jżuru Għar Dalam u Borġ in-Nadur f’Birżebbuġa.
Għar Dalam hu wieħed mill-iprem sit preistoriċi f’pajjiżna.
Il-pubbliku kellu l-ħin biex idur dawra mal-post, bl-informazzjoni dwar Għar Dalam mgħoddija permezz ta’ gwidi apposta.
Kien hemm ukoll mumenti tar-rakkuntar ta’ stejjer għat-tfal b’informazzjoni dwar il-mużew ta’ Għar Dalam fost oħrajn, tfittxija għat-teżor, dawra mal-wied u anki ngħatat spjegazzjoni dwar il-proġett ta’ Wied Dalam.
Fost l-attrazzjonijiet f’Għar Dalam, hemm l-iskeletri ta’ annimali li nstabu f’dan is-sit.
Tkellimna ma’ Mary Rose Muscat dwar din l-inizjattiva.
“Għalkemm Heritage Malta toffri l-iskema tal-passaport fejn kull tifel u tifla ta’ Malta u Għawdex jistgħu igawdu mnn dan il-passaport fejn żewġ adulti jistgħu jidħlu b’xejn u anki hemm il-passaport tal-anzjani. Heritage Malta tħoss li għandha tiftaħ dawn is-siti, kultant żmien jew perjodu biex tagħmel aċċessibli s-siti tagħna għal kulħadd.”
