It-tim tal-futbol ta’ ONE ikkwalifika għal-finali tal-kompetizzjoni knock out tax-Xitwa league. Kampjonat tal-5 a side li jintlagħab f’Tal-Pietà u li minn żmien għal żmien joffri logħob imqanqal u sfidi jaħarqu bejn dilettanti tal-ballun li l -passjoni li għandhom għal-logħba twassal biex taħsbek li qed tassisti għal xi kampjonat ta’ importanza enormi.
Din kienet l-ewwel darba li t-tim ta’ ONE ħa sehem f’dan it-tournament u wara l-promozzjoni l-attenzjoni tat-tim, teknikament immexxi minn Louis Vella, daret fuq il-kompetizzjoni knock out.
Il-ġimgħa l-ohra t-tim tal-ONE lagħab il-kwarti finali kontra t-tim ta’ Birżebbuġa fejn rebah bl-iskor ta’ 5-2. Ilbieraħ it-tim rebaħ f’semi finali kumbattuta kontra it-tim ta’ Multivend bl-iskor ta’ 5-4. Biex issa l-attenzjoni kollha ddur fuq il-finali.
