Nhar is-Sibt 17 ta’ April, ONE se jxandar programm speċjali mal-funeral tal-Prinċep Filippu, id-Duka ta’ Edinburgh. Fl-istess jum, f’nofsinhar, se jsir salut mill-Batterija tas-Salut fil-Belt Valletta li se jitmexxa mill-Fondazzjoni Wirt Artna u l-Awtorità Maltija għat-Turiżmu.
Fit-3:30pm, se jibda programm speċjali grazzi għall-kamra tal-aħbarijiet ta’ ONE, li se jiddiskuti ħajjet id-Duka, l-irwol li kellu fil-Familja Rjali, u fuq kollox ir-rabtiet li kellu ma’ Malta.
Fl-4:00pm, se tixxandar iċ-ċerimonja tal-funeral b’mod dirett minn Londra.
Wieħed se jkun jista’ jsegwi x-xandira wkoll mis-sit one.com.mt.
