Omm u binha ta’ 12-il sena ttieħdu l-isptar Mater Dei wara li kienu involuti f’inċident tat-traffiku f’San Ġwann.
Il-każ seħħ għall-ħabta tal-11:10 fi Triq Bellavista f’San Ġwann meta għal xi raġuni seħħet ħabta bejn vettura tat-tip Toyota Vitz misjuqa minn mara ta’ 34 sena residenti l-Gżira flimkien ma’ binha ta’ 12-il sena u trakk tat-tip Leyland misjuq minn raġel ta’ 43 sena residenti l-Mellieħa.
Fuq il-post issejħet ambulanza fejn ħadet lill-omm u l-iben l-isptar Mater Dei biex jingħataw l-kura meħtieġa.
Il-kundizzjoni tagħhom għadha mhix magħrufa.
