Omm l-4 t’itfal salvati mill-ġungla baqgħat ħajja iżda talbet lil ulieda jabbandunawha

Omm ta’ erbat itfal salvati wara 40 jum fil-ġungla tal-Amażonja baqgħat ħajja għal erbat ijiem wara li l-ajruplan li kienu fih iġġarraf.

Magdalena Mucutuy qalet lil uliedha biex jitilqu u jsibu l-għajnuna waqt li kienet qed tmut.

Waqt li tkellem mal-ġurnalisti, missier it-tfal, Manuel Ranoque, qal li bintu l-kbira rrakkontatlu li ommhom ħeġġiġhom biex jitilquha u jsalvaw lilhom infushom.

L-aħwa, ta’ 13-il sena, disa’, ħames snin u sena, ġew salvati mill-ġungla l-Ġimgħa, u ġew trasferiti fi sptar militari fil-kapitali tal-Kolombja, Bogota.

Manuel Ranoque qal lill-ġurnalisti barra l-isptar li qabel talbithom jitilquha, l-omm serrħet ras it-tfal li missierhom kien se jieħu ħsiebhom b’għożża kbira.

Intant il-ħaddiem tas-salvataġġ Nicolas Ordonez Gomes tkellem dwar il-mument li sabu lit-tfal. Qal li t-tifla l-kbira, Lesly, bit-tifla ż-żgħira f’idejha, ġriet lejh u l-ewwel kliem  li qaltlu kienu: “għandi l-ġuħ”.

_{Ritratt: Reuters}