Qatt mort fuq vjaġġ biex tara lil Malta lura fil-passat u dak kollu li sawwarna? Dan kollu issa jista’ jseħħ b’attrazzjoni immersiva, ‘Odyssey Malta’, fil-Mercury Towers, f’San Ġiljan, li tieħu lill-viżitaturi fuq vjaġġ virtwali lura ħames mitt sena sa Malta tal-lum.
B’faċilità ta’ tmin lingwi differenti, tgħaddi minn passaġġ ta’ Żmien il-Ħaġar, għall-Assedju l-Kbir, il-ġrajja tal-Konvoj ta’ Santa Marija u stejjer oħrajn li jsawru l-istorja rikka li għandna f’pajjiżna.
Però dan mhux biss.
‘Odyssey Malta’ qed toffri wkoll esperjenza li ma tintesiex ta’ teatru jtir, flying theatre, l-ewwel tax-xorta tiegħu lokali, li jieħdok dawra mal-isbaħ postijiet tal-gżejjer Maltin u Għawdxin, sensazzjoni fejn vera tħossok qed ittir.
Crew ta’ ONE News tkellem mad-Direttur Maniġerjali tal-kumpanija Ingliża Sarner Creative, responsabbli mill-produzzjoni, Ross Magri, fejn tenna li għalkemm Malta għandha l-limitazzjonijiet, għandha l-aqwa ħaġa, dik tal-istorja.
“We’ve linked history with the landmarks. We got Valletta, Ċittadella and some nice scenery. So, we combined the whole thing and the water and all of them we brought it into a story. So, the flying theatre is not just a visual experience, it’s also linked to the history and that provides a combined experience and hopefully people when people see, Maltese poeple and even tourists, they see these incredible locations and they go and visit them and they know the significance of them. Not just seeing the fortified walls, you see the battle and you know what Valletta was like and what they mean.”
Ross Magri, Direttur Maniġerjali, Sarner Creative
Peter Paul Gauci, wieħed mill-imħuħ wara din l-idea, tenna kif matul din l-attività, immirata għall-familja kollha, tista’ timmeravilja ruħek fi ftit ħin, bil-ġmiel li għandna f’pajjiżna.
“Anke jekk ma tħobbx l-istorja, mhijiex lezzjoni tal-istorja. Hija xi ħaġa fejn inti ħa tiġi, ħa tieħu pjaċir għal siegħa u ħa jirnexxielek tara affarijiet li forsi lanqas fil-ħolm ma toħlomhom. Ħa tara affarijiet li ġraw ħames mitt sena ilu, ħa tarahom u ħa tgħixhom, jiġifieri hija esperjenza għall-familja kollha.”
Peter Paul Gauci, Maniġer, ‘Odyssey Malta’
