Numru ta’ klabbs jiġru wara l-firma ta’ Enzo Ruiz

Id-difensur Arġentin Enzo Ruiz qed jiġbed l-interess ta’ numru ta’ klabbs Maltin hekk kif il-kuntratt li kellu ma’ Birkirkara FC mhux ser jkun qed jiġġedded.

Minn informazzjoni li għanda din il-paġna diversi klabbs mill-Kampjonat Premier għamlu kuntatt mal-plejer, bl-Arġentin li ilu f’pajjiżna mill-2016, qed jevalwa l-offerti preżenti qabel ma jiddeċiedi l-futur tiegħu.

Mill-2016 s’issa, Ruiz lagħab ma’ Floriana FC u Birkirkara FC rispettivament. F’pajjiżna huwa rebaħ il-Kampjonat, l-FA Trophy u s-Super Cup maċ-ċampjins tal-Kampjonat Premier Floriana FC.

Ritratt – Elena Grech