L-għada li ġie allegat qatgħa ta’ ajkli bojod rari sparixxiet, il-Federazzjoni Kaċċaturi Nassaba u Konservazzjonisti l-FKNK qalet li waslulha raport li numru minnhom dehru jtiru fuq il-baħar kemm fin-Nofsinhar u kemm fil-Lvant tal-pajjiż.
Fi stqarrija, il-Birdlife qalet ilbieraħ li xi membri tagħha raw waħda minn dawn l-ajkli bojod titnżżel b’tiri ta’ kaċċa fil-Girgenti. Qalet li ħafna mill-ajkli l-oħra tferrxu fl-inħawi.
Birdlife żiedet tgħi li l-istħarriġ ma wassal għall-ebda arresti jew sejbin ta’ karkassi u allegat li l-biċċa l-kbira tal-ajkli nqatlu għax waħda waħda biss intlemħet wara li nstemgħu l-isparaturi.
B’reazzjoni, is-Segretarju Ġenerali tal-FKNK Daniel Xriha qal li l-Birdlife għamlet akkużi serji dwar dawn l-ajkli. Qalet li minkejja kliem iebes li użat biex tirbaħ is-simpatija tan-nies, dawn it-tattiċi mhux jitwemmnu mill-pubbliku Malti.
Qalet li l-Federazzjoni waslulha bosta rapporti ta’ dawn l-ajkli bojod itiru fuq il-baħar fin-Nofsinhar tal-gżira u anke fil-Lvant tal-pajjiż.
L-FKNK qalet li lesta tassisti lill-Birdlife jekk għandha provi tanġibbli ta’ xi att illegali min hu responsabbli tagħhom jitressaq quddiem il-ġustizzja.
Intant fi stqarrija, l-għaqda kaċċaturi San Ubertu qalet li wħud waqqfu fil-Buskett u oħrajn f’Ħad-Dingli.
